- 138 -

1345. April 12. Liegnitz, auf dem Rathhause.

Die Herzoge Wenzel und Ludwig geben den Städten Liegnitz, Goldberg, Hainau und Lüben ein Privileg, um sie für die Nachtheile zu entschädigen, die ihnen aus der Erhebung von Niclasdorf zur Stadt, der Goldgruben halber, entspringen.

In nomine domini amen. Nos Wencezlaus et Ludwicus fratres dei gracia duces Slezie et domini Lignicenses, attendentes nostram propensius augeri vtilitatem, cum ciuitatum nostrarum aut generaliter terre nostre promocionem aut commodum procuramus, sane ciuitas nostra Lignicz, de qua singulariter nostri nominis tytulus vt plurimum decoratur ac vtilitas profecto solet euenire, cum alijs ciuitatibus nostris Goltperg, Haynow et Lobin, plurima pertulerint grauamina et dampnis sint affecte, cupientesque jam dictarum nostrarum ciuitatum deperdita restaurari, nostrorum quoque ciuium, vt dignum est, honera moderare cum, diuina prouidente clemencia, nostre terre fructus et lucra in districtu nostre prefate ciuitatis Lignicz per aurifodia sint adaucti, ciuitatem nouam construere decreuimus, que construccio propter verba premissa et prius allegata nostris ciuitatibus antiquis prejudicare non debet, nec in dampnum aut grauamen aliquod euenire, vt participes fatigacionis, participes, vf dignum est, consolacionis effici mereantur, vniuersis et singulis, quibus presentes exhibite fuerint, volumus esse notum, quod nos, duces jam dicti, de maturo et bene deliberato consilio nostro, nostrorum consiliariorum dominorum feodalium et nobilium habito et diligenter requisito, prefatis nostris ciuibus de nostra gracia et munificencia speciali infrascripta damus, conferimus et ab omnibus et singulis firmiter et stricte obseruanda statuimus, mandamus et confirmamus, primo videlicet, quod in maccellis vel bancis, que in nostra ciuitate noua edificabuntur, vel in villa Nicclosdorf, vel prope et generaliter vbicumque in montanis seu aurifodijs in nostrarum ciuitatum districtibus nullus hominum carnes vendere audeat, vel presumat, nisi fuerit de nostre ciuitatis Lignicz, Goltperg, Haynow aut Lobin carnificum vnione. Similiter in bancis panum vel alijs locis aut stacionibus calcificum, nullus panem aut calceos ibidem, vt dictum est, vendere presumat, nisi fuerit de pistorum et calcificum ciuitatum nostrarum predictarum vnione. Volumus eciam, vt nulla ceruisia propinari ant vendi debeat ibidem vel adduci, nisi ceruisia Lignicensis et aliarum nostrarum antiquarum ciuitatum. Etiam simpliciter omnem pannum, omne sal, nisi per mensuram valentem paruum denarium vel obulum, in prefatis locis, vt dictum est, vendere prohibemus. Volumus etenim, omnes vendentes et ementes contra huiusmodi nostra statuta premissa incurrere, penas similes, quas incurrerent, si excederent vendendo vel emendo contra jura et statuta nostrarum ciuitatum, ad quod prosequendum nostram potenciam volumus apponere et ipsos nostros ciues firmiter confortare. Nobis vero de quolibet maccello seu stacione, super qua carnes venduntur, pro jure et tributo forensi vnum scotum volumus septimanatim deriuari, de quolibet eciam equo quocienscumque panem adducente vnum grossum. De calcificum autem stacione, vna per quamlibet septimanam, vnum grossum. Nobis quidem de qualibet currata siue plaustro ceruisie adducta ibidem dimidium fertonem pro jure forensi decernimus presentari. Hoc saltem addito, quod in omnibus nostris montanis seu aurifodijs, vbicumque sitis, singulis septimanis vnum diem in septimana, videlicet ipsum diem dominicum, a mane vsque ad solis occasum, pro foro generali et libero concedimus omnibus venalia adducere volentibus, exclusis tantum pannorum incisione et salis vendicione, prout superius est expressum. Verumtamen ipsa venalia racione fori liberi adducta iterum abducere nulli licitum sit nec concessum, sicut eciam alias est liberi fori conswetudo; carnifices vero, pistores, calcifices, tabernarii nostrarum ciuitatum predictarum conciues, sua loca deputata occupantes, propter forum liberum in ipso foro nullum tributum nouum vel jus fori dare tenebuntur, sed circa statutum septimanale prius expressum debent permanere. Si vero jam dicti carnifices, pistores, calcifices, tabernarii vltra loca sibi deputata plura alia loca occupare voluerint, quamuis nostrarum ciuitatum conciues, soluent commune tributum siue jus forense quemadmodum alieni. Alii quoque, videlicet fabri, institores vel quicumque nostrarum ciuitatum conciues dominico die et aliis diebus minuta vendentes dabunt conswetum jus forense. Volumus itaque prenarratos nostros ciues circa omnia et singula jura, que progenitorum et predecessorum nostrorum litteris et nostris demonstrare poterunt, permittere, permissos confortare, confortatos perpetuo conseruare, et ammodo ad injustas obligaciones ipsos nolumus coartare, dantes nostris specialiter ciuibus Lignicensibus plenam auctoritatem et licenciam, lapides de cymiterio Judeorum abducere pro structura muri ciuitatis, promittentesque sine dolo, bona nostra fide, prefatos nostros fideles ciues Lignicenses in omnibus prenarratis protegere, confortare et conseruare et specialiter promissa, que ciues nostri Lignicensis eodem quasi tempore eodem anno videlicet feria sexta proxima ante dominicam Jubilate deo, nostris Judeis pro nobis promiserunt, promittimus nullatenus velle infringere, sed ipsos, vt expedit, in honore suo inuiolabiliter conseruare. Volumus nichilominus, quod nullus nostrorum officialium, judex curie, Wassirmeystir, quocumque et quicumque nominati, ipsos nostros ciues impedire audeat vel presumat in premissis et in singulis premissorum. Et, quod absit, si quis jam nominatorum vel non nominatorum officialium nostrorum nostris mandatis in hiis omnibus et singulis non paruerit, nostram indignacionem grauissimam se senciet incursurum; vt autem hec omnia et singula robur optineant perpetue firmitatis presentes nostrorum sigillorum appensione roboramus. Actum et datum in pretorio Lignicensi feria tercia proxima post dominicam, qua cantatur Misericordia domini, anno domini millesimo trecentesimo quadragesimo quinto, presentibus fidelibus nostris dominis Jescone Busewoy, Hermanno de Kytlicz, Franczcone Busewoy, Johanne de Prewticz, Johanne de Swobisdorf, Nicolao de Rothkirch, Gunzlino de Koüschburg et aliis quampluribus strenuis et viris fidedignis.

O. d. St. L. No. 60, mit anhangenden Wappensiegeln von rothem Wachs an grünen und rothen Schnüren.— Altes Privilegb. p. 39. — Bitschens Privilegb. f. XCIX. sqq. — Tzschoppe u. Stenzel 555. — Ledebur, Archiv, IV, 324, nach einer ungenauen Abschrift. — Das Concept der Urk. auf Papier, Arch. Acten No. 189.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866